[@علاء الشامي@]

مرحبا ،

في عضو يمكن أغلبكن لاحظ مشاركاته ومواضيعه المميزة والمتعوب عليها .. العضو ( أبو فريس )

هالعضو هو مؤسس جمعية هواة الفلك السورية ومدير موقعها على الانترنت http://www.saaa-sy.org

وهو دكتور جراح بدمشق وبيتقن 4 لغات هي الانجليزية ، والفرنسية والاسبانية والألمانية لهيك أنا مؤمن أنو حيكون إضافة غنية للمنتدى سواءا لقسم اللغات الأجنبية أو لقسم طبيبك وقسم العلوم بحكم متابعته الدائمة للمجلات العلمية وكلشي بدكن ياه عن الفضاء الخارجي!

نسيت قلكن أنو هو بكون ابن خالتي

كنت بالصدفة عم ورجيه التقرير اللي عملته عن رحلة رصد الشهب آم عجبه الجو اللي بالمنتدى وسجل فيه.


بقى لقيت أنو ضروري رحب فيه حتى لو تأخرت شوي!

[waddah]

أهلا و سهلا فيك حكيم .. نورت المنتدى ..

اقتباس وهو دكتور جراح بدمشق وبيتقن 4 لغات هي الانجليزية ، والفرنسية والاسبانية والألمانية ..... بحكم متابعته الدائمة للمجلات العلمية وكلشي بدكن ياه عن الفضاء الخارجي!

طمعانين بالاستفادة من خبراتك و بتمنالك إقامة مريحة و ممتعة بمتنزهنا ..

اقتباس نسيت قلكن أنو هو بكون ابن خالتي

أنا شايف أنو أنت ابن خالتو مو العكس :D

سلامات

[Syrian Lord]

مرحبا ..

والله عمقول هالشب الاكابر منين ..

عنجد لفت نظري موضيعو المرتبة و اسلوبو الوازن ..

عراسي والله يا علائو .. خيراً فعلت

و أحلى وردة لأبو فريس .. نورتنا

[الأمـــير]

والله ونورتنا يا أبو فريس

والمكتوب مبين من عنوانه

مواضيع مرتبه .. وحلوة .. ومن النوع الدسم

خليك معنا حبيب .. وهي أحلى

[munay]

أهلين فيك أخي أبو فريس
أنا كتير أعجبت بالمواضيع الحلوة الي عم تفيدنا فيها وان شاءالله تعجبك مواضيع المنتدى وتستفيد متل ما عم تفيدنا
وطبعا أهلا وسهلا بكل قرايب أخي علاء

[cold0zero]

أهلا و سهلا بأبو فريس

مواضيعك كتير حلوة

[hala]

هلا علاء كيفك؟انت و أي شخص من طرفك عزيزين علينا

أبو فريس نورت و أكيد وجود شخص متلك إضافة مهمة لمنتدانا..يلي بتمنى انو يعجبك وينال رضاك..وتستمر فيه على طول

[thesyrian]

مرحبا..

تتسحق كل الترحيب والتحية ...

بالفعل احد القلائل الي وجودهن بيعمل فرق كبير..

اهلا بك صديقي بيننا ومعنا ..

لك تحية بانتظار المزيد ... متابع بشغف..

سلام

[أبو فريس]

والله أنا يا شباب هلأ يعني ما لي إنو يعني عرفان إنو هادا يعني شو بدي إحكي والله خجلتوني كتير.. يعني هادا علاء بزودوها شوي أحياناً.. (حسابك بعدين..)

على كل حال أنا كتير كتير شاكر لعلاء أولاً يلي عرفني على هالمنتدى المميز بالفعل، لأني متابع للإنترنت منذ دخولها إلى سوريا وما سجلت بحياتي بأي منتدى، بس هاد المنتدى بالفعل مميز بكل شيء.. بتصميمه ومواضعيه وأعضائه ومشاركتهم.. وبالروح الجميلة فيه.. ولذلك أريد أن أشكر كل الشباب يلي رحبوا فيني فوق وإنشالله تكون مشاركاتي معكن مفيدة ويلي رح حاول تكون دائماً (دسمة).. وطالما بلشنا إنشالله رح نستمر...

أخوكم أبو فريس

[Shahrazad]

اهلا وسهلا فيك اخونا ابو فريس
والله انا كمان رح ارجع وقول متل اللي قبلي كلون انو مواضيعك واسلوب كتابتك كتير مبين عليها واعية ورزينة واكيد انت مكسب للمنتدى اول شي لأنك ماشاء الله مثقف ومتعلم وتاني شي لأنك ابن خالتو لعلاء

بقا ميت اهلا وسهلا فيك نورتنا